حالة الطقس
يوم الجمعة
9 جوان 2023
الساعة: 6:27:28
وزارة الصناعة والإنتاج الصيدلاني تلزم الصيادلة بتبرير وتبرير الفوارق المادية لمخزونات الادوية ذات التأثير العقليسطيف ، الشرطة تحجز ساعات يدوية مجهزة بكاميرات مموهةسطيف مديرة دار الثقافة في عين الاعصار، احتجاج للموظفين و تذمر من الجمعياتجدل بين عضو المجلس الشعبي الولائي ومديرية التعمير بعد تدهور الخرسانة المزفتة بحي عدل العلمةبازر سكرة : وفاة سائق شاحنة داخل مستودع في حادثة دهس بواسطة جرافة
الملتحي مهدم عين الفوارة و الشيخ شمس الدين، حوار إفتراضي من مخفر الشرطة.
صوت سطيف الحر

الشرطي  المحقق : الو معك أمن ولاية سطيف  رانا نُحقق مع ملتحي و راه قال بلي أنت اللي قتلو حطم التمثال تاع عين الفوارة .

الشيخ شمس الدين : بسم الله الرحمان الرحيم واش هذا الكاميرا الخفية مع الصباح ، يا خويا أنا ما قلت لحتى واحد .

الشرطي : راه عندنا تصريح رسمي على المحضر و هاو نعقبلك الملتحي يهدر معاك.

الملتحى : شيخ شمسو  راني طبقت واش قلت لنا و راني كنت حاب النحي التمثال بصح راهم حكموني الشرطة .

الشيخ شمس الدين : اتقي الله يا رجل وشكون قالك نحيه ، وشكون فتالك في هذا ، و أعلاه تقلهم  أنا لقتلك ، لماذا تكذب يا رجل؟ .

الملتحي : انا مانكذبش ، البارح ، كنت نتفرج في اليوتيوب على الفيديو تاعك و لقيتك متحير على هذا التمثال و راك قلت للسطايفية لا ما قدرتوش تنحيوه استروه .... مالا أنا  راني حبيت نحيه  بصح راهم مخلاونيش نكمل و مذا بيك تهدر معاهم باه يطلقو سراحي .

الشيخ شمس الدين: يا حفيظ يا ستار وشكون قالك بلي السطايفية متحيرين على التمثال... بصح معليش معليش فوتلي الشرطي نهدر معاه .

الشرطي : أنعم الشيخ شمسو ، الملتحي راه يقول ثاني  بلي راه أقتدى  بسيدنا ابراهيم الخليل  عليه السلام  الذي حطم  الاصنام واش تقول في ما يقول.

الشيخ شمس الدين: واش بيه هذا ، هذا مريض فهموه بلي النبي إبراهيم الخليل عليه السلام حطم الأصنام ليثبت للناس أنها لا تستطيع حماية نفسها ،  بصح حنا رانا علبالنا بلي عين الفوارة تمثال مهوش صنم و الناس ماتعبدوش  .

الشرطي : راه يقول بلي الإسلام يحرم النظر إلى المرأة العارية واش نجاوبوه.

الشيخ شمس الدين: و هو واش داه ثما حتان يشوف هذا المرأة العارية ، انا راني جيت لسطيف و عندي حبابي  و صحابي و نسابي في سطيف و كنت نبات في الفندق قدام هذا العين بصح  عمري شفتها ،   هذا لازمو رقية .

الشرطي : و الحل ضرك كيفاه  التمثال تخرب  و الناس و السلطات راهي حيرانة  .

الشيخ شمس الدين: ميتحروش خلاص  راني قلت لهم هذاك العام  استروها  و هذه  فرصة باش يستروها ... بصح ماتصتروهاش كيما عين بنت السلطان تاع معسكر .... راه عندكم الملاية و الحيك ... شوف ديرونا وحدة بالحايك تنفع ....

 الشرطي : صحيت شيخنا زيد قلنا برك ، و تحطيم التماثيل حلال و لا حرام .

الشيخ شمس الدين: انت حاب تورطني ، بصح نقلك عمر بن العاص نهار فتح مصر لقى المعابد و الاهرامات و التماثيل  للفراعنة المشركين ، بصح ما حطمهمش و شوف خاوتنا المصريين راهم عايشين بالسياحة .

الشرطي : حبيت تقول بلي الملتحي  راه غالط و لازم يتعاقب .

الشيخ شمس الدين: يا ولدي راكم عيتوني ..... راني مقلت والو تبقاو على خير.

 ---------------- شاهد افتراضي على الحوار / عاشور جلابي / صوت سطيف.


تم تصفح هذه الصفحة 23750 مرة.
فيديو
صورة و تعليق
هدرة الناس
والي سطيف و الكورونا ؟إقرأ المقالة
قناتنا على اليوتيوب
تطوير Djidel Solutions